Sürmäk ayının 29-da, Paskellä orucunun 5-ci pazarında, açan Klisä anêr ayoz Egipetli Mariyayı hem onun zaametlerini, Saabinin Simasının Diişilmesinin adına Komrat cümnesindä ayozlu liturgiya yapıldı.
Bu gün klisedä video çıkardı Moskvadan «Ţargrad» kanalı, angısının zaametçileri aldılar intervyu cümnä başı ierey Sergi Kopuşçudan hem aksakal Aleksi Yakimovdan, angısı 1989-cu yılda çok zaamet koydu ayoz Vaatizedici İoanın adına Komrat kafedralı açılsın deyni.
Просмотры (0)