Peetlär:
Kim,benim gibi, hayırsızsa –kıyışmaklan gelsin,
Zerä Allahın hayırının kapuları hepsinä açık.
Bu gün biz kayıp oolun dönmesini anêrız, angısını ayoz bobalar Triodin ikinci erinä koydular, te angı sebeptän.
Kimisi, gençliindän bozgunçlu yaşamaktan, sarfoşçuluktan, mındarlıktan hem boşuna vakıdı geçirmektän, da butakım büük kötülüklerä düşüp, kendilerindä çok dinsizlik duyêrlar da bundan umutlarını keserlär; bunun çeketmesi – hodulluk. Bu üzerä onnar doorulmaa hiç istämeerlär, söleyeräk, ani onnar günahta esirliktä, neylän da taa büük günaha girerlär.
Ayoz bobalar, bölä insannara boba sevgisini göstereräk hem umutsuzluktan onnarı kurtarmaa isteyeräk, burada ilkinkidän sora bu örnää vererlär, bu günahlı zeetlenmeyi kökünnän çıkararak hem iilik kazanmaa onnarı doorudarak, çok günah edän hayırsızlara Allahın insansevän iiürekliini açarak, Hristosun bu örnäännän göstereräk, ani yok ölä günah, ne Hristosun insansevmesini geçecek.
Adamın, anna Allahın, iki oolu var – doorular hem günahkerlär. Büüyü hep Allahın sımarlamalarını tamannêêr hem Ondan hiç uzaklaşmêêr. Küçüü sä, günahı sevip, ayıp işlärlän Allahlan bilä olmaktan atıldı, bozgunçlu yaşayarak, günahın beterinä Allahın insansevmesini kaybetti. Bütünariflii korumadı, kötü şeytanı sesledi hem havezlenmesi için onun istediinä esirlendi, ama kendi istediklerinä doyamadı, zerä kısa vakıtlı hoşlanmaklan aliflendirilän günah doymaz, Saabi dä pildada onu kozalara, domuzların imeklerinä, benzeder, çünkü o kozalar çeketmedän tatlı görünerlär, sora sa, ayırık gibi, sert hem çetin olêrlar; hep ölä günah da.
Bitki-bitkiyä, gelip kendinä, kayıp ool, iilik aaçlıından öleräk, bobasına geler, deyeräk: «Bobam, gökün hem senin önündä yanıldım da artık diilim yakışıklı senin oolun denilmää». Ama Boba pişman olanı kableder bir dä lafsız, kucaklêêr hem sarmaşêr boynusuna, Allah hem boba sevgisini göstereräk. Hemrubaonaverer, anivarAyozVaatizlik, hem üzük – CümnedänayozDuhunbereketini. Hemayakkabı da, şindänsorayılannarhemskorpionnarayaklarını onundalamasınnar, amaayaklarınnanonnarınbaşlarını çiinesindeyni. SoraBobaonuniçinbüüksevinmeliklänbeslikurbanı keser – KendisininBirduumuş Oolunu, hemOnunGüüdesinnänhemKanınnanbirleşsinverer.
Bobanınbitkisizhayırına şaşarak, büükoolukayılsızlıını söleer. Ama İnsansevänonusessizlää getirer, yavaş, usluhemyalpakdeyeräk: «SänhepBenimnänsin, ama şindilääzımBobaylanbarabarkonuşmaahemsevinmää, aniBenimbuoolumtaailerigünahtan ölüydü da, pişmanolupakılsızişlerindä, dirildi, günahaalışkannıklanBendänuzaklanıp, kaybeldiydi, daBänonu şindibuldum. Bän, Kim Kendi iiürekliinä görä onun için zeet çekti hem hayırına görä onu çaardı».
Bu örnek hem çıfıt halkına, hem bizä dä faydalı var nicä olsun. O bunun için burayı koyulmuş ayoz bobalardan, zerä o, nicä taa yukarda sölendi, umutsuzluu hem iilikli yaşamayı başlamaa korkuyu koolêêr, pişmannaa hem doorulmaya üüreder, nicä kayıp oolu. Zerä pişman olmak – en ii kılıç hem yardım şeytan oklarına karşı.
Ey, Hristos bizim Allahımız, Senin yazdırılmaz insansevmenä görä hayırla bizi. Amin.
Просмотры (1)